နှစ်သက်ဆုံး အဆို အမိန့် များ

၁။ ဘဝတန်ဖိုး၊ ဘာသာတန်ဖိုး၊ ဘဝအနှစ်သာရ၊ ဘာသာအနှစ်သာရ နှင့် ဘုရားရှင် ပွင့်တော်မူသောအခါကို ရခဲခြင်း၊ လူ့ဘဝကို ရခဲခြင်း၊ သဒ္ဓါတရားရှိသော ပုဂ္ဂိုလ်အဖြစ်ကို ရခဲခြင်း၊ ရဟန်းဘဝကို ရခဲခြင်း၊ သူတော်ကောင်းတရားကို ကြားနာရခဲခြင်း စသော အဂုင်္တ္တိုရ် ပါဠိတော်လာ ရခဲခြင်းတရား ငါးပါး

၂၊ ငါးအာရုံဘင်အစု၊ ခင်မှုနဲ့နေ့ကုန်
နင်ယခုမေ့ပုံလို၊ တွေ့မကြုံစခန်း
ပါယ်လေးဝ သောကဘုံမှာ
မျောရရုံရှိတော့မခန်း
အောက်ဝီစိ သောင်းအငူမှာ
ခေါင်းမပြူစတမ်း
နှစ်အရှည် နစ်မည့်လမ်းကိုလ
နင်မျှော်စမ်း နင့်ကိုယ်
ဒေသနာထင် အလင်းရယ်နှင့်
နင်အဖျင်းပိုထက်သာပို
သည်လောဘ စရိုက်အိုကို
မလိုက်လိုရှောင်ပစ်လို့
နောင်အသစ်တကယ်ပြင်လျှင်
ကောင်းဖို့အစဉ်
ခွင့်သာခိုက်မှ မလိုက်ချင်လျှင်
အမိုက်နင့်ပြင် ရှိသေးလေလိမ့်လား
ခွင့်သာဆဲကမှ မခဲချင်လျှင်
အလွဲနင့်ပြင် ရှိသေးလေလိမ့်လား
ခွင့်သာတုန်းမှာ မရုန်းချင်လျှင်
အရှုံးနင့်ပြင် ရှိသေးလေလိမ့်လား
(လယ်တီဆရာတော်)

၃။ ကျီးနက်မိုက်ခေါင်၊ ဆင်သေကောင်ထက်၊ သောင်ကိုမလှမ်း၊
ကမ်းကိုမသက်၊ အပုပ်မက်၍၊ စီးလျက်စားကာ၊ လိုက်လေပါက၊
သမုဒ္ဒရာရောက်ဆိုက်၊ လှိုင်းဝဲရိုက်၍၊ ရေ၌မွန်းနစ်၊ ငါးစာဖြစ်သို့၊
စင်စစ်မှတ်ဆောင်၊ လူတို့ဘောင်ဝယ်၊ အိမ်ထောင်ဝဋ်ထဲ၊ သေအောင်စွဲ၍၊
အမြဲနေငြား၊ သားမယားနှင့်၊ ခံစားကာမ၊ လူထိုမျှကို၊
ကာကပညာ၊ ကျီးပမာဟု၊ မဟာဝိသုဒ်၊ မြတ်သမ္ဗုဒ်တို့၊ ရွှေနှုတ်လှစ်ချွေ၊ ဟောခဲ့ပေ၏။
(မန်လည်ဆရာတော်)

အပုပ်မက်သော ကြီးတစ်ကောင်သည် ဆင်သေထက်သို့ တက်ကာ အစားအစာအတွက် တစ်သက်လုံး ပူစရာမလိုတော့ ဟူသော အတွေးဖြင့် မြစ်အတွင်း မျောပါလိုက်သွားခဲ့သည်။ သောင်တို့ ကမ်းတို့ကို မြင်နေရသေးသော်လည်း လှမ်းတက်ပြီး နေရစ်ဖို့ မကြိုးစားခဲ့။ သမုဒ္ဒရာအတွင်း ရောက်သောအခါ လှိုင်းရိုက်၊ ဝဲစုပ်၍ ဆင်သေကောင်နှင့်အတူ ပျက်စီးဆုံးရှုံးရသော ကျီးမိုက်ကဲ့သို့ မိုက်မဲသောသူများသည် သားမယား အိမ်ထောင်ဝဋ်ထဲက ရုန်းမထွက်နိုင်ဘဲ ကာမဂုဏ်ခံစားရင်း တစ်ဘဝ ဆုံးရသူများကို ကျီးမိုက်နှင့်တူကြောင်း ဘုရားဟောထားသည်ဟု အဓိပ္ပါယ်ရပါသည်။

၎။ ခရီးကရှည်၊ အရူးတွေ
စားရေးကသိုး၊ အဖော်ကဆိုးသနဲ့
အမျိုးမျိုး ကာမဂုဏ်၊
အာရုံတွေ အလွန်နှောက်တာကြောင့်
အပါယ်ဘုံ အခါခါရောက်သော်လည်း
လွတ်မြောက်ဖို့ဝေး
(အမရပူရမြို့၊ မဟာဂန္ဓာရုံဆရာတော်)

ပုထုဇဉ်များ၏ သွားရမည့် သံသရာခရီးကား ရှည်လျားလှသည်။ လူ့ဘဝက မဖြစ်စလောက် အားထုတ်ခဲ့သော လောကီ ကုသိုလ်ကံများ ကလည်း ခဏသုံးစားရုံနှင့် ကုန်သွားနိုင်သည်။ (သိုးသည်ဟု တင်စားထားသည်) အနီးကပ် အဖော်ကလည်း လောဘ၊ ဒေါသ၊ မောဟ ဦးစီးသော ကိလေသာ ဆိုးများ၊ ရူပါရုံ စသော အာရုံများက ပုထုဇဉ်ဘဝ ဖြစ်တိုင်း လိုက်၍ နှောက်ယှက်နေသောကြောင့် အပါယ်ဘုံ ရောက်သော်လည်း လွတ်မြောက်ဖို့ ဝေးသည်ဟု ဆိုလိုပါသည်။